25 de Xullo de 2015,  Sol de xustiza e miles de persoas reunidas en Compostela para festexar o Día da Patria Galega. Ambente festivo e grande expectación por ser testigos desta festa da cultura galega. Grandes bandas e intérpretes convocados nun marco de incomparable beleza, como a Carballeira de Santa Susana de Compostela.

 Tras un xantar multitudinario, amenizado con foliadas espontaneas, onde centos de músicos anónimos arráncanse a tocar polo simple feito de disfrutar. Tocando a música tradicional da terra, gaiteiros vocacionais, pandereiteiras, percusionistas e vocalistas de toda condición.

Tras este petisco musical, despois dun primeiro acto que tivo lugar na noite do 24, con grandes bandas e grupos emerxentes compartindo o escenario para amosar o seu bon facer: Caxade, Ruxe-ruxe,Sokram e as debutantes no Festigal, Maianas. A noite é un completo éxito. Altísimo nivel e grandes momentos

foto: Festigal

 No programa para o serán do 25, programa variado, axeitado para tódolos públicos. O mago Antón co seu mestrado, demostrando que aínda segue a conservar o cetro entre os magos do país, nas primeiras horas de lecer nesta tarde inesquecíbel. Entre espectáculo e espectáculo, Ibuprofeno teatro deleitou á audiencia con alternando actos do seu espectáculo "o Furancho", da man das grandes Isabel Risco e Marián Bañobre

E pouco a pouco a velada vaise animando. Carapaus continúa o programa cun concerto interesante, con moita animación por parte da audiencia, mentres o trasego nos postos exteriores tanto de livrarías como no mercadño é frenético. A multitude congregada é un continuo ir e vir.

O programa chega a un dos seus puntos culminantes co concerto de Familia Caamagno. Inesquecibéis ritmos clásicos dos 50 e 60 reinterpretados en clave galega por estes grandes intérpretes da nosa música, aderezados polo son do saxo, co seu son desenfadado, que solo eles saben aplicarlles ás súas composicións. Todo o mundo a baliar. Ambientazo

Como remate de festa, Superoito e a súa pegadiza mixtura entre post-punk e ska periurbán que tan ben saben interpretar os nosos amigos e que tanto gusta ao seu público. En resumidas contas, un festival, unha celebración, levada a cabo grazas ao esforzo de moita xente voluntaria, con longas quendas de traballo desinteresado aprol dunha cultura, a galega, que ten o seu futuro máis que garantido, como se puido comprobar nesta festa.

Adiante a todos e todas nesta aventura aprol da cultura galega. Voltaremóonos ver no Festigal 2016, no centernario das Irmandades da Fala. Parabéns