Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Página Principal
    Página Principal Aqui Vostede pode encontrar todas as postaxes do blog
  • Categorias
    Categorias Mostra unha lista de categorias deste blog.
  • Tags
    Tags Mostra unha lista de tags utilizadas no blog.
  • Blogueiros
    Blogueiros Procura por seu blogger favorito neste site.
  • Equipos
    Equipos Encontre aqui seus blogs de equipo favoritos.
  • Login
    Login Formulário de login

Serie 25N - Espectáculo BRAVAS, Mulleres anónimas que tamén fan historia

por en Noticias
  • Tamaño da fonte: Maior Menor
  • Acessos: 854
  • 0 Comentários
  • Increver-se para receber atualizacións
  • Imprimir
854

Isabel Risco presenta Bravas, de Culturactiva e Maquinaria Pesada

Inicamos a Serie 25N polo Día Internacional contra a Violencia Machista ca que queremos tamén poñer o noso gran de area e contribuír a denunciar todo tipo de violencias contra as mulleres. Falaremos de distintas actuacións que decorren polo País ao redor deste día e que contribúen a visibilizar esta loita tan necesaria. 

 

b2ap3_thumbnail_BRAVAS_CARTAZ.jpg

Abrimos esta nova sección presentándovos o espectáculo BRAVAS con Isabel Risco, actriz galega que xa tivemos o pracer de entrevistar aquí (Isabel Risco: “Nós non lle restamos o mundo, sumámoslle” - - Blog de tuplace ) e máis con Fran Rei. BRAVAS, Mulleres anónimas que tamén fan historia é un repaso histórico pola nosa era, desde a época castrexa ata o século XXIII de mulleres sen medo, rebeldes e xustas que ese enfrontaron ao poder establecido.

Isabel Risco proponnos un xogo a través dunha viaxe no tempo de teatro cómico e comprometido, cheo de ledicia e combativo, para reivindicar o humor das mulleres, que ofrece unha perspectiva única e plural tan necesaria da realidade. Neste momento que estamos vivindo, no que precisamos sobre todo risas, chega Isabel Risco, a máis coñecida e talentosa das humoristas galegas, con unha proposta para desternillarse: BRAVAS!! unha comedia histórica? Un alegato feminista? Un antídoto á depresión? Todo iso e moito máis. Espectáculo perfecto para levar mascarilla e que ninguén vexa de que rís.

 

b2ap3_thumbnail_ISA-RISCO-en-BRAVAS.jpg

A estrea de BRAVAS foi a pasada fin de semana en Vilagarcía, mais continúa o seu periplo por outras vilas do País, desta volta tócalle a Carballo. Este espectáculo conta coa colaboración da Deputación da Coruña. Entrada libre e gratuíta, con previa reserva de entrada no email Este enderezo de correo está a ser protexido dos robots de correo lixo. Precisa activar o JavaScript para velo. , enviando nome, apelidos e número de teléfono. 

*Reserva de 2 entradas por persoa como máximo.

*Debido ás restricións sanitarias, poñeranse a disposición do público 30 entradas.

b2ap3_thumbnail_ISA-RISCO-en-BRAVAS-2.jpg

b2ap3_thumbnail_ISA-RISCO-en-BRAVAS-3.jpg

Un pouco máis sobre Isabel Risco: 

Premio FETEGA Carballiño á Mellor Actriz 2015

Actriz, clown e pedagoga teatral, Isabel Risco leva varios lustros levando á práctica a súa vis cómica sobre as táboas ou diante das cámaras. Desde o ano 2000 participa en espectáculos profesionais, no ámbito do audiovisual, traballou en series como Padre Casares, Era visto, A vida por diante, O Nordés ou Air Galicia, e outros programas da TVG como O Show dos Tonechos, En pé de festa, Zapping comando, Máxima audiencia, Land Rober ou Tourilandia.

 

0

Comentários

  • Neñum comentário. Seja o primeiro a comentar

Deixe seu comentário

Visitante Martes, 03 Agosto 2021