Exposición Castelao: o retorno a Galiza, 1984. Xan Carballa, no Museo do Pobo Galego (Costa de San Domingos, 3, 15703 Santiago de Compostela, A Coruña)

Do 22 de abril ao 15 de xuño de 2025

Unha mostra comisariada por Xosé Enrique Acuña que lembra aquel 28 de xuño de 1984 a través de 52 imaxes tomadas por Xan Carballa para o semanario A Nosa Terra. Trátase dunha crónica visual dos actos que tiveron lugar no aeroporto da Lavacolla, nos exteriores de San Domingos de Bonaval e no propio Panteón de Galegas e Galegos Ilustres, lugar onde foi soterrada a gran figura do galeguismo. Un "fantástico exemplo de fotoxornalismo gráfico da transición", como subliñaban Xosé Enrique Acuña e o director do Museo do Pobo Galego, Lois Ladra. E un testemuño gráfico co que as xeracións vindeiras poderán "aprender e transmitir como foi o retorno a Galicia do seu fillo insigne", segundo apuntaba a videpresidenta do Padroado do Museo, María Xosé Cerviño, quen lembrou tamén como foron moitas e moitos os membros do Padroado do Museo os que asistiron a aquel emocionante momento. (do FB do Museo do Pobo Galego)