Blog de tuplace

Entre os premiados tamén se atopa Miguel Vial e as obras 'A viaxe de Gagarín' de Agustín Fernández Paz, 'Historia da literatura galega II' de Xosé Ramón Pena Sánez e 'Pan, Pan' de A Panadaría Teatro.

A  Fundación Premios da Crítica Galicia entregou os seus galardóns que nesta edición foron na categoría de música, para Guadi Galego; na categoría de iniciativas culturais, para Cineuropa; para Miguel Vila, na modalidade de cultura gastronómica; na de artes plásticas, para Xaquín Marín. En creación literaria a obra premiada foi “A viaxe de Gagarin” de Agustín Fernández Paz; en investigación, resultou galardoado o traballo “Historia da literatura galega II” de Xosé Ramón Pena Sánchez, e finalmente en artes escénicas a obra “Pan, Pan” de A Panadaría Teatro.

Obradoiros, conferencias, espectáculos de maxia e teatro, mostras bibliográficas, contacontos e proxeccións audiovisuais centran as propostas de divulgación científica nos centros bibliotecarios de xestión autonómica.

Obradoiros científicos, conferencias, exposicións, guías de lectura, proxeccións audiovisuais e espectáculos de maxia e teatro son algunhas das propostas de divulgación científica coas que as bibliotecas públicas de xestión autonómica convidan en novembro a celebrar o ‘Mes da ciencia en galego’.

A iniciativa, dirixida a produtoras na procura de socios estratéxicos para os seus proxectos cinematográficos e televisivos, terá lugar o 20 de novembro no marco da vixésima edición do OUFF

Os actos de homenaxe ao dramaturgo tiveron lugar en Pontevedra e en Vilanova de Arousa, onde destacouse a celebración dos 150 anos do escritor en 2016 para reforzar a difusión da súa vida e obra

A Consellería de Cultura, Educación e Ordenación Universitaria participou nos actos de homenaxe a Ramón María del Valle-Inclán que se celebraron esta mañá nos concellos de Pontevedra e de Vilanova de Arousa coincidindo coa data do aniversario do nacemento do dramaturgo, do que se cumpren 149 anos.

Na cidade do Lérez, o secretario xeral de Cultura, Anxo Lorenzo, participou na ofrenda floral en recordo do escritor organizada pola Fundación Valle-Inclán. Posteriormente, en Vilanova de Arousa, visitou na Casa-Museo do escritor a exposición ‘Outros verbos, novas lecturas: Valle-Inclán traducido [1930-1936]’, xunto co presidente do Consello da Cultura Galega, Ramón Villares; o alcalde do municipio, Gonzalo Durán, e mais a comisaria da mostra, Rosario Mascato.

Organizado pola Asociación Galega de Deseñadores desenvolverase o 20 e o 21 de novembro na Fundación Luis Seoane e no Auditorio de ExpoCoruña.

Deseñadores de toda España participarán os días 20 e 21 de novembro na Coruña no Foro de Deseño FEED 2015, para o que a Asociación Galega de Deseñadores (DAG) conta co apoio económico da Consellería de Cultura, Educación e Ordenación Universitaria a través da Axencia Galega das Industrias Culturais (Agadic). A Fundación Luis Seoane e o Auditorio de ExpoCoruña serán as sedes destas dúas xornadas, que se articularán arredor de seminarios e conferencias coas intervencións de oito destacados profesionais do sector tanto a nivel galego como internacional.

No marco da celebración do Womex 2015 na capital húngara, celebrouse unha recepción que serviu como escaparate á marca Galician Tunes.

O conselleiro de Cultura, Educación e Ordenación Universitaria participou o 23 de Outubro en Budapest na presentación da próxima edición de Womex, o meirande mercado internacional da world music, que en 2016 volverá celebrarse en Santiago de Compostela tras o éxito rexistrado na edición que tivo lugar o ano pasado na capital de Galicia.
Durante a súa visita ao Centro Bálna, no que se celebra a actual edición deste evento internacional, o titular do departamento de Cultura da Xunta tivo tamén a oportunidade de comprobar como a música galega está a amosar o seu potencial na feira, a través da participación de sete compañías do país no pavillón GalicianTunes.

A Filmoteca de Galicia é unha das sedes desde encontro de cine de terror, dentro do que o mércores 28 proxectará 'El ataque de los muertos vivientes' e o xoves 29, 'La noche del terror ciego' coa presenza dunha das protagonistas, a danesa Lone Fleming.

O festival  Freakemacine presentou hoxe no CGAI o programa da súa 7ª edición, que se desenvolverá do 26 de outubro ao 1 de novembro na Coruña. A filmoteca galega será unha das sedes das proxeccións e actividades paralelas, entre as que destaca a homenaxe ao coruñés Amando de Ossorio, un dos grandes nomes do xénero de terror.

Os centros de xestión autonómica convidan á cidadanía a festexar o 24 de outubro con obradoiros, mostras bibliográficas, contacontos, visitas guiadas, concertos, agasallos e liberación de libros

As bibliotecas públicas de Galicia celebran o seu día grande cunha completa programación de actividades coa que convidan a cidadanía a festexar con elas o 24 de outubro. A Consellería de Cultura e Educación, a través dos centros de xestión autonómica, súmase a esta conmemoración con propostas musicais, obradoiros, xornadas de portas abertas, contacontos, visitas guiadas e liberación de libros, que se desenvolven esta semana na Biblioteca de Galicia, nas bibliotecas públicas de Lugo e de Ourense, da Coruña Miguel González Garcés, de Vigo Juan Compañel, de Pontevedra Antonio Odriozola e de Santiago de Compostela Ánxel Casal.

Venres 16 de outubro, Xabier Díaz e as Adufeiras de Salitre fixeron a súa presentación na Coruña, cidade natal do Músico. Unha gran ocasión de ollar ao vivo e nun entorno incomparabel como é o Teatro Rosalía de Castro da cidade herculina, este novo proxecto, tras publicación do seu disco de estrea, que estaba xa dispoñible para ser mercado no propio acceso ao concerto.

A décimo terceira edición celebrarase en Santiago de Compostela entre o 26 e o 31 de outubro.

A décimo terceira edición do festival de Cine Euroárabe Amal celebrarase en Santiago entre o 26 e o 31 de outubro. A implicación da Consellería de Cultura, Educación e Ordenación Universitaria nesta cita ratifica a aposta que o Goberno galego está a facer por enriquecer a oferta cultural da que goza a cidadanía, ao tempo que supón contribuír ao establecemento dunha programación estable e de calidade nas salas galegas, neste caso no Teatro Principal, en Compostela. Neste sentido cómpre sinalar que, máis aló da programación deste mes, a Fundación Araguaney-Ponte de Culturas –organizadora do festival– colabora ao longo do ano con diversas entidades para programar ciclos de cinema en diversos concellos de Galicia.