Blog de tuplace

A Deputacion da Coruña lanza o DESAFÍO POÉTICO, Poemas FRONTE as violencias de xénero.

Concurso aberto a toda a poboación da provincia da Coruña. Aberto desde o 4 até o 26 de novembro.

Isabel Risco presenta Bravas, de Culturactiva e Maquinaria Pesada

Inicamos a Serie 25N polo Día Internacional contra a Violencia Machista ca que queremos tamén poñer o noso gran de area e contribuír a denunciar todo tipo de violencias contra as mulleres. Falaremos de distintas actuacións que decorren polo País ao redor deste día e que contribúen a visibilizar esta loita tan necesaria. 

Como remate a este intenso mes de Marzo e ao noso especial de entrevistas adicadas ás mulleres, entrevistamos a Tanxugueiras, trío de mulleres que fan música tradicional e de raiz desde Galiza, cunha gran proxección internacional.

Tanxugueiras son Olaia Maneiro, Sabela Maneiro e Aida Tarrío. Partindo dun coñecemento rigoroso da tradición e das músicas de transmisión oral, xúntanse Olaia, Sabela e Aida nun encontro único onde a maxia, a naturalidade, a espontaneidade e a comunión musical xorden desde o primeiro minuto.

Continuamos coas entrevistas dentro do especial Mulleres na Cultura deste mes de Marzo. Desta volta entrevistamos á escritora Antía Yañez, galardoada co Premio Illa Nova de Narrativa 2018 por 'Senlleiras'. 

Antía Yáñez (Burela, 1991) é enxeñeira de Camiños, aínda que nunca exerceu a profesión. Entre os premios outorgados á súa obra atópanse o Certame de Microrrelatos "Lonxa Literaria" 2013, de Moaña, o Premio de Relatos Curtos “Os Viadutos” 2014, de Redondela, e o Certame Literario de Poesía e Narración Breve de Cambre (2016). Actualmente compaxina a escrita coa xestión dunha academia en Cecebre (Cambre), onde imparte obradoiros de escritura para rapazas e rapaces. O misterio de Portomarín é a súa primeira novela. En 2018 escrebe 'Senlleiras', novela pola cal recibe o Premio Illa Nova de Narrativa.

Retomamos a nosa andaina polo panorama cultural, tras un longo parón para tomar folgos, da man dun dos valores emerxentes da canción galega contemporánea. Trátase do cantautor e escritor Miguel Alonso.

Nado en 1984 en Ferrol, Miguel Alonso compón dende moi novo. Toca a guitarra e o piano, ademáis de colaborar con outros músicos, dos que di ter a sorte de coñecer. A maioría da súa obra está escritas en galego porque, como di, "son galego". Isto parece fácil de entender, pero non sempre é así. Publica o seu primeiro disco, “A noite dous cans” no 2010, ademáis de varios discos colectivos e Ep's.

O dúo formado por Lucía Aldao e Maria Lado encheu a sala cun brilante espectáculo a base de humor e poesía.

"Porque viñéstedes as ghalleghas e trouxéchesnos a poesía"

Ísto escoitaron as Aldaolado nunha viaxe a Castela para participar nun Festival de Poesía. Até fóra do país recoñecen o bo facer de estas dúas mulleres que o pasado día 14 de xullo deleitáronnos cun orixinal Recital de Poesía, Música e Humor na sala No Importa da Coruña.

Entrevistamos a Ledia Costas, un dos nosos grandes valores da escrita, galardoada, entre outros, co Premio Nacional de Literatural Infantil e Xuvenil.

Ledicia Costas, natural de Vigo, é unha escritora galega. Empezou a escribir desde moi nova, sendo unha autora versátil que transita os máis diversos temas, estilos e xéneros. A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente e que actualmente vai pola 17ª edición. Mentres cursaba os seus estudos de Dereito gañou diversos premios literarios convocados pola universidade, tanto de relato como de poesía.

Co gallo da aterraxe na Coruña da súa espectacular exposición itinerante 'Airiños aires. Rosalía', entrevistamos ao gran fotógrafo coruñes Xurxo Lobato.

Xurxo Lobato Sánchez, nado na Coruña, é un fotógrafo e fotoxornalista galego. É membro da Real Academia Galega de Belas Artes "Nosa señora do Rosario".

En 1977 foi fotógrafo colaborador nos seguintes xornais e revistas: Teima, Man Común, A Nosa Terra, correspondente gráfico de El País e a Axencia Cover, Cambio16, Vogue, Elle, Telva, Geo, Feinsmeicker, Dier Spiegel, El Mundo, La Vanguardia, El Periódico,El Dominical, El Semanal, National Geographic, Historia National Geographic, Viajar, Spain Gourmetour, Sobremesa e Capital.

Saldamos a nosa débeda e iniciamos a andadura polo universo da escrita con Mercedes Queixas, escritora e profesora, secretaria xeral da AELG

Mercedes Queixas Zas, nada na Coruña, é unha escritora galega. É licenciada en Filoloxía Hispánica, subsección galego-portugués, na Universidade da Coruña, e exerce actualmente a docencia no CPI Alcalde Xosé Pichel, de Coristanco, labor que compaxina coas funcións de secretaria xeral da Asociación de Escritoras-es en Lingua Galega.