Actos previstos para a celebración do Día de Rosalía de Castro
por Roman Fernandez
en Noticias
Resumo das actividades promovidas pola Asociación de Escritoras e Escritores en Lingua Galega (AELG) que se desenvolverán o venres, 24 de febreiro, Día de Rosalía de Castro
A Asociación de Escritoras e Escritores en Lingua Galega (AELG) organiza, como xa fixo en anos anteriores, un amplo programa de actos con motivo da celebración pública do Día de Rosalía, o 24 de febreiro, data do seu nacemento.
A AELG busca institucionalizar ese Día de Rosalía de Castro como unha xornada de celebración da nosa literatura, animando á cidadanía a agasallar un libro en galego e unha flor nese día.
Ademais do acto central, celebrado o pasado día 19 de febreiro no Panteón de Galegos Ilustres, a AELG organiza en colaboración coa súa base asociativa estoutras lecturas públicas da obra de Rosalía de Castro:
-
Ás 18.30, no Centro Socio Cultural de Friol. Coa colaboración do Concello de Friol, a A. C. Xesta verde e a Asociación de Recreación Histórica Castronela. Coordina Antonio Reigosa (655 432 511)
-
Ás 18.45, na Imprenta de Juan Compañel (Rúa Real,12) e Centro Cívico (Rúa Oliva,12), de Vigo. Ofrenda floral na imprenta Juan Compañel, percorrido até o Centro Cívico e lectura pública da obra de Rosalía de Castro. Coa colaboración do Concello de Vigo e da A. C. O Castro. Coordina Marta Dacosta (608 081 608)
-
Ás 19.00, na Biblioteca Municipal Ágora (Lugar da Gramela, 17) da Coruña. Coa colaboración do Concello da Coruña e a Biblioteca. Coordina Mercedes Queixas (628 743 764)
-
Ás 20.00, no Ateneo Ferrolán (Rúa Magdalena, 202-204). Coa colaboración do Ateneo Ferrolán. Coordina Rosa Méndez Fonte (607 755 914)
-
Tamén ás 20.00, na Casa da Cultura de Vilalba. Coa colaboración do Concello de Vilalba e Culturalia GZ. Coordina Martiño Maseda (650 798 054)
En todos estes actos lerase o tradicional manifesto da AELG, que este ano elaborou a escritora Ledicia Costas.
A AELG dá conta destes e doutros actos convocados por diversas entidades nesta páxina, e convoca a cidadanía a participar de todas esas actividades.
![](https://ci6.googleusercontent.com/proxy/00b7uaf6Oiv2iTpPGFYdWoqgmhMAy-dVDrf1B0yo3dgmUq5MPfToxlvFaPw6kofDQehjbQ5mkm8uUicEq-tOFEzyeNtKOo8Iku-I8fITENbE4zpshFwWUkU=s0-d-e1-ft#http://www.aelg.gal/resources/upload/DiaDeRosaliaDeCastro_Friol.jpg)
![](https://ci6.googleusercontent.com/proxy/7b9LXjfs-6H_eUyIDdG-tgr5cLlzTWJr8-j2utenacRkgqwo3Ct3VbHCqEAZbVUd8WVPNT8aoik3rkWoGeFfTFTlG31EUvcqu04W4qcykWm8s9aM3K58bg=s0-d-e1-ft#http://www.aelg.gal/resources/upload/DiaDeRosaliaDeCastro_Vigo.jpg)
![](https://ci6.googleusercontent.com/proxy/BGaX9VIk1kR_RQxcd6PEpjSXKLcXB9FfhktwZuWPEnLWaXCdTZ84kZw5SPx-9eD2o8tkznABC_zKuDjD4UO1sAVCHvVXtoBpCyjJ6pTgCWtSFjLW1nhCa6RgIG0=s0-d-e1-ft#http://www.aelg.gal/resources/upload/DiaDeRosaliaDeCastro_ACorunha.jpg)
![](https://ci4.googleusercontent.com/proxy/nzuAqHGJbFAzLREVIUwqdE9tB8tV47AMiC5E7TeLCIfWsjVJ1wI9iAWvuuM03600MTvzmKydM_H-tbPfntiQHdLajV2rz9PoJzTK549aK6jVFDv3CtDxcRWRfg=s0-d-e1-ft#http://www.aelg.gal/resources/upload/DiaDeRosaliaDeCastro_Vilalba.jpg)
![](https://ci5.googleusercontent.com/proxy/RmBRP-5xzCU_S2BBDGf0FQS_uwIROsCU3tWFgD1jHETQg1sUHPKAy3uWb3WK8KROGPBPa_wAeUch3ps9ucDiyfXvb3jlJgnu7N6ApPvMovtRArlq8FzzA6FS=s0-d-e1-ft#http://www.aelg.gal/resources/upload/DiaDeRosaliaDeCastro_Ferrol.jpg)