Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form
8642

Co gallo da aterraxe na Coruña da súa espectacular exposición itinerante 'Airiños aires. Rosalía', entrevistamos ao gran fotógrafo coruñes Xurxo Lobato.

Xurxo Lobato Sánchez, nado na Coruña, é un fotógrafo e fotoxornalista galego. É membro da Real Academia Galega de Belas Artes "Nosa señora do Rosario".

En 1977 foi fotógrafo colaborador nos seguintes xornais e revistas: Teima, Man Común, A Nosa Terra, correspondente gráfico de El País e a Axencia Cover, Cambio16, Vogue, Elle, Telva, Geo, Feinsmeicker, Dier Spiegel, El Mundo, La Vanguardia, El Periódico,El Dominical, El Semanal, National Geographic, Historia National Geographic, Viajar, Spain Gourmetour, Sobremesa e Capital.

Continue reading
0
6174

A institución provincial destinará 33.000 euros para reformar e musealizar o sobrado do inmoble e incorporar novas tecnoloxías audiovisuais que permitan ao visitante coñecer mellor a historia da poeta padronesa

A vicepresidenta da Deputación da Coruña, Goretti Sanmartín, o deputado responsable da área de Promoción Económica, José Luis García, e o presidente da Fundación Rosalía de Castro, Anxo Angueira, participaron esta mañá na sede da institución provincial no acto de sinatura do convenio polo que a Deputación se compromete no apoio á Casa Museo Rosalía de Castro para a remodelación do sobrado do inmoble padronés tanto no nivel museolóxico como museográfico, co fin de dar maior difusión á obra de Rosalía.

Continue reading
0
6893

Resumo das actividades promovidas pola Asociación de Escritoras e Escritores en Lingua Galega (AELG) que se desenvolverán o venres, 24 de febreiro, Día de Rosalía de Castro

A Asociación de Escritoras e Escritores en Lingua Galega (AELG) organiza, como xa fixo en anos anteriores, un amplo programa de actos con motivo da celebración pública do Día de Rosalía, o 24 de febreiro, data do seu nacemento.

Continue reading
0
4197

A retrospectiva foi supervisada polo propio Straub e conta con copias restauradas, traducións melloradas e varias estreas en Galiza

O Centro Galego de Artes da Imaxe (CGAI-Filmoteca de Galicia) continúa as súas colaboracións co Museo Nacional Centro de Arte Reina Sofía, traendo á Coruña unha extensa retrospectiva sobre a parella de creadores Straub-Huillet, situados entre os mellores cineastas modernos de Europa.

A retrospectiva, que arranca esta semana e continuará durante os meses de marzo e abril, trazará un completo percorrido pola coherente carreira deste dúo de autores, que se estende dende mediados dos sesenta ata os nosos días, cando Jean-Marie Straub, logo do falecemento de Danièle Huillet en 2006, continúa a facer cine en solitario.

Continue reading
0
7768

Saldamos a nosa débeda e iniciamos a andadura polo universo da escrita con Mercedes Queixas, escritora e profesora, secretaria xeral da AELG

Mercedes Queixas Zas, nada na Coruña, é unha escritora galega. É licenciada en Filoloxía Hispánica, subsección galego-portugués, na Universidade da Coruña, e exerce actualmente a docencia no CPI Alcalde Xosé Pichel, de Coristanco, labor que compaxina coas funcións de secretaria xeral da Asociación de Escritoras-es en Lingua Galega.

Continue reading
0
4758

Inquedanza producida pola escasa produción e a baixa contratación actoral que desenvolverá o Centro Dramático Galego

A Asociación de Actores e Actrices de Galicia (AAAG) quere amosar a súa inquedanza e decepción diante do anuncio realizado no seu día por parte do Centro Dramático Galego (CDG) que presentou o conxunto da súa programación até o outubro de 2017 nun acto que contou coa presenza da directora do CDG, Fefa Noia, do conselleiro de Cultura e Educación, Román Rodríguez; o secretario xeral de Cultura, Anxo Lorenzo, e do director da Agadic, Jacobo Sutil.

Continue reading
0
4072

O volume xunta 270 cartas escritas ou remitidas a quen foi presidente da RAG, Sebastián Martínez-Risco, co galeguismo exterior de 1960 a 1977 nunha edición ao coidado do profesor Xosé Ramón Freixeiro Mato

Eduardo Blanco-Amor, Xosé Neira Vilas ou Luís Seoane son algúns dos moitos persoeiros da Galicia na diáspora que intercambiaron cartas co xurista, escritor e académico Sebastián Martínez-Risco (Ourense, 1899 – A Coruña, 1977). 270 desas cartas foron recollidas no libro Onde ferve o amor por Galiza. Correspondencia do galeguismo exterior con Sebastián Martínez-Risco (1942-1977), edición ao coidado do profesor da Universidade da Coruña publicada pola Deputación da Coruña.

Continue reading
0
6158

Preséntase unha iniciativa que reduce durante febreiro o prezo do dominio .gal a só cinco euros.

Este 24 de febreiro, data na que se fan 180 anos do aniversario do nacemento da escritora máis insigne das Letras Galegas, Rosalía de Castro, celebrarase ao longo de todo o mes de febreiro cunha nova campaña promovida pola Asociación PuntoGal coa colaboración da Xunta de Galicia e mais da Fundación Rosalía de Castro. Terá por finalidade seguir impulsando o dominio .gal, desta volta cunha baixada importante no rexistro do devandito dominio e un custo de tan só cinco euros máis IVE que ofrecen os nove rexistradores acreditados que participan na promoción.

Continue reading
0
4358

A noticia foi confirmada pola responsábel da área, Goretti Sanmartín Rei, en xuntanza con representantes das tres entidades relacionadas co libro galego.

Representantes da Asociación de Escritores e Escritoras en Lingua Galega, a Federación de Librarías de Galicia e a Asociación Galega de Editoras mantiveron unha xuntanza coa responsábel da área de Cultura da Deputación da Coruña, Goretti Sanmartín, na que se concretou a colaboración de cara á celebración da segunda Gala do Libro Galego en que se entregarán os premios das diversas categorías do mundo do libro.

Continue reading
0
3793

A Deputación organiza un acto de recoñecemento ao Museo con música, poesía, danza e improvisación oral para celebrar a concesión deste premio, que terá lugar o sábado día 4 de Febreiro, ás 19:00 horas, no Sexto Edificio.

Baixo o epígrafe "Museo de Pontevedra. Pasado, Presente, Futuro" a Deputación organiza un acto para compartir coa cidadanía e cos traballadores e traballadoras do Museo o Premio da Cultura Galega, concedido á institución museística no apartado Patrimonio Cultural. O acto, que estará presidido pola presidenta do ente provincial, Carmela Silva, terá lugar o vindeiro sábado día 4 de febreiro, ás 19:00 horas, no Sexto Edificio. Así o anunciaron esta mañá o deputado provincial de Cultura e Lingua, Xosé Leal, e o director do Museo de Pontevedra, Carlos Valle. Todas as persoas interesadas en asistir a este acto poderán facelo, previa recollida do correspondente convite no mostrador de entrada do Sexto Edificio; a partir desta tarde poderán recollerse dous convites por persoa.

Continue reading
0