Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta

O Festival de Cine Euroárabe Amal ofrecerá 10 documentais e películas de ficción

por en Noticias
  • Tamaño de fuente: Mayor Menor
  • Visitas: 2186
  • 0 Comentarios
  • Suscribirse a las actualizaciones
  • Imprimir
2186

A décimo terceira edición celebrarase en Santiago de Compostela entre o 26 e o 31 de outubro.

A décimo terceira edición do festival de Cine Euroárabe Amal celebrarase en Santiago entre o 26 e o 31 de outubro. A implicación da Consellería de Cultura, Educación e Ordenación Universitaria nesta cita ratifica a aposta que o Goberno galego está a facer por enriquecer a oferta cultural da que goza a cidadanía, ao tempo que supón contribuír ao establecemento dunha programación estable e de calidade nas salas galegas, neste caso no Teatro Principal, en Compostela. Neste sentido cómpre sinalar que, máis aló da programación deste mes, a Fundación Araguaney-Ponte de Culturas –organizadora do festival– colabora ao longo do ano con diversas entidades para programar ciclos de cinema en diversos concellos de Galicia.

O secretario xeral de Cultura, Anxo Lorenzo, participou na presentación da programación da edición 2015 do festival, acto no que destacou AMAL como “un dos festivais audiovisuais de referencia” e un escaparate das producións árabes en Galicia, España e Europa. Tamén puxo en valor a proxección de traballos que non teñen cabida no circuíto comercial de Galicia, así como a reflexión que ofrece sobre as diversas realidades sociais dos territorios. En referencia á programación deste ano, asegurou que a calidade das 10 documentais e películas de ficción e que ofrece AMAL constitúen o mellor reclamo para os espectadores.

Na rolda de prensa desta mañá participaron, ademais do secretario xeral de Cultura, o presidente da Fundación Araguaney-Ponte de Culturas, Ghaleb Jaber Ibrahim, o director do Festival Internacional de Cine Euroárabe AMAL, Ghaleb Jaber Martínez, e o alcalde de Santiago, Martiño Noriega.

Dez proxeccións e un ciclo na TVG
Do 26 ao 31 de outubro o Amal15 ofrecerá 10 proxeccións no Teatro Principal de Santiago, entre as que se inclúen tanto de fitas de ficción como de documentais. No marco deste último xénero, na sesión inaugural do ciclo estrearase ‘Colonos e Pombas’, dos xornalistas galegos Marga Pazos e Alfonso Caneiro, que amosa o periplo diario de nenos palestinos para chegar á escola.

Así mesmo, proxectaranse os filmes ‘Ghadi’, ‘Syria Self-Portrait’, ‘Theeb’, ‘Azucre aparte’, ‘Giraffada’, ‘Os cabalos de Deus’, ‘Atlantic’, e ‘Villa Touma’. A semana oficial pecharase cun gran clásico do cinema, ‘Lawrende de Arabia’.

Os pases serán ás 20 e ás 22 horas, e terán un prezo de 2 euros. A recadación destinarase ás familias de refuxiados sirios que sexan acollidos na capital galega.

A maiores das películas que se proxecten no Principal, emitirase un ciclo de cinema árabe na TVG nos vindeiros meses, ao abeiro do apoio da cadea de televisión pública galega ao festival. Ademais de co da Xunta e o da TVG, o festival conta co apoio do Concello de Santiago e co patrocinio de CTV Producións Audiovisuais, Hotel Eurostars Araguaney e restaurante Caney e da Cadena SER.

0

Comentarios

  • No hay comentarios por el momento. Se el primero en enviar un comentario.

Deja tu comentario

Invitado Domingo, 23 Septiembre 2018