Blog de tuplace

A personaxe que mellor representa a nosa Matria, a nosa querida Galiza, e de seguro a que máis a defende, Nabiza Girl, volta ao escenarios con grande éxito interpretada pola nosa querida actriz, Isabel Risco.   O pasado domingo 23 de febreiro e nunha “coincidencia cósmica” co Día de Rosalía que diría súa intérprete, a nova obra de Nabiza Girl: 'O estraño caso da cultura minguante' ateigou a Casa da Cultura de Sada na súa estrea para todos os públicos e xa ten varias actuacións programadas neste mes de marzo e ata xuño. Non a perdades!   Próximas paradas de...

O compositor catálán é o gañador da XIV edición deste Premio cona obra "In the Distance" da que o xurado destaca a súa "profesionalidade e escritura impecable".

Un xurado composto por especialistas en composición musical como Hugo Gómez-Chao Porta, Margarida Mariño Suárez, Álvaro Núñez Carbullanca e Gloria Rodríguez Gil;, presidido polo deputado de Cultura, Xurxo Couto e coa xefa da área, Mercedes Fernández Albalat como secretaria escolleu a obra de Ramón Humet entre as 21 presentadas ao concurso de composición musical convocado pola Deputación da Coruña. O gañador recibirá como premio 6.500 € ademais da estrea da obra.

A Deputacion da Coruña lanza o DESAFÍO POÉTICO, Poemas FRONTE as violencias de xénero.

Concurso aberto a toda a poboación da provincia da Coruña. Aberto desde o 4 até o 26 de novembro.

Isabel Risco presenta Bravas, de Culturactiva e Maquinaria Pesada

Inicamos a Serie 25N polo Día Internacional contra a Violencia Machista ca que queremos tamén poñer o noso gran de area e contribuír a denunciar todo tipo de violencias contra as mulleres. Falaremos de distintas actuacións que decorren polo País ao redor deste día e que contribúen a visibilizar esta loita tan necesaria. 

Desenvolveranse a través da rede os días 10 e 12 de novembro

A área de Normalización Lingüística da Deputación da Coruña promove unha nova edición das xornadas Malas Linguas que nesta ocasión, coa adaptación á situación sanitaria, decorrerán de forma virtual. Os días 10 e 12 de novembro terán lugar os encontros dixitais que serán abertos e gratuítos pero para os que se precisará inscrición previa para participar. 

O confinamento e unha proposta de amores, alianzas e rebeldía protagonizan os dous libros

Un xurado composto polas poetas Lorena Conde, María Lado, Ánxela Lema, Eli Ríos e Antón Lopo co deputado de Cultura, Xurxo Couto como presidente e a xefa de sección de Cultura, Manuela Muñiz como secretaria, decidiu conceder a XX edición o Premio González Garcés ex aequo a Lupe Gómez e Daniel Asorey polas súas obras "Silabario da Peste" e "Contra natura".

A exposición repasa a biografía do intelectual de Cotobade con especial atención á súa traxectoria como galeguista.

A mostra, organizada polo Museo do Pobo Galego e a Fundación Antonio Fraguas Fraguas repasa a biografía e a obra do homenaxeado, historiador orixinario de Cotobade, no Día das Letras Galegas. Trátase dunha exposición rigorosa e feita co corazón que repasa o legado intelectual ético e humano de Fraguas ao tempo que enxalza a lingua e cultura galegas.

O programa faise en conmemoración do 23 de abril, o Día do Libro, distribuíndo os fondos editoriais no territorio.

Bibliotecas, mercados, centros de saúde ou escolas son algúns dos espazos escollidos polos concellos para organizar os actos en que se repartirán volumes do programa "Libros para sermos libres" da Deputación da Coruña co que se conmemora o Día do Libro. En total, serán 6.000 volumes cos que se completan os máis de 19.0000 que se destinaron a esta iniciativa que se desenvolveu ao longo dos tres anos na totalidade de concellos da Coruña.

Organizado pola Area de Cultura da Deputación da Coruña, acolle obradoiros, mesas redondas e presentacións artísticas os días 8 e 9 de abril dentro do programa 'A cultura é un dereito'.

Continúa o programa "A Cultura é un dereito" coa organización das xornadas "Mulleres e innovación nas artes intermedias" que terán lugar os días 8 e 9 de abril que contan co comisariado de Rosa Sánchez, directora da compañía de danza e teatro Konic e tamén directora do festival Internacional Ecoss, ecosistemas do inesperado, de Barcelona.

Como remate a este intenso mes de Marzo e ao noso especial de entrevistas adicadas ás mulleres, entrevistamos a Tanxugueiras, trío de mulleres que fan música tradicional e de raiz desde Galiza, cunha gran proxección internacional.

Tanxugueiras son Olaia Maneiro, Sabela Maneiro e Aida Tarrío. Partindo dun coñecemento rigoroso da tradición e das músicas de transmisión oral, xúntanse Olaia, Sabela e Aida nun encontro único onde a maxia, a naturalidade, a espontaneidade e a comunión musical xorden desde o primeiro minuto.