Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
Suscribirse a esta lista por medio de RSS. Ver entradas etiquetadas Deputacion Coruña
2700

A institución provincial destinará 33.000 euros para reformar e musealizar o sobrado do inmoble e incorporar novas tecnoloxías audiovisuais que permitan ao visitante coñecer mellor a historia da poeta padronesa

A vicepresidenta da Deputación da Coruña, Goretti Sanmartín, o deputado responsable da área de Promoción Económica, José Luis García, e o presidente da Fundación Rosalía de Castro, Anxo Angueira, participaron esta mañá na sede da institución provincial no acto de sinatura do convenio polo que a Deputación se compromete no apoio á Casa Museo Rosalía de Castro para a remodelación do sobrado do inmoble padronés tanto no nivel museolóxico como museográfico, co fin de dar maior difusión á obra de Rosalía.

Continuar leyendo
0
1996

O volume xunta 270 cartas escritas ou remitidas a quen foi presidente da RAG, Sebastián Martínez-Risco, co galeguismo exterior de 1960 a 1977 nunha edición ao coidado do profesor Xosé Ramón Freixeiro Mato

Eduardo Blanco-Amor, Xosé Neira Vilas ou Luís Seoane son algúns dos moitos persoeiros da Galicia na diáspora que intercambiaron cartas co xurista, escritor e académico Sebastián Martínez-Risco (Ourense, 1899 – A Coruña, 1977). 270 desas cartas foron recollidas no libro Onde ferve o amor por Galiza. Correspondencia do galeguismo exterior con Sebastián Martínez-Risco (1942-1977), edición ao coidado do profesor da Universidade da Coruña publicada pola Deputación da Coruña.

Continuar leyendo
0
5799

A actriz, dramaturga, directora, escenógrafa e atrezzista, Lorena Conde é a gañadora do XVIII Premio González Garcés de Poesía da Deputación da Coruña co seu libro "Entullo".

A obra de Lorena Conde impúxose na decisión do xurado entre os 85 libros presentados, unha cantidade sensibelmente superior á anterior edición.

Un xurado composto por Pilar Pallarés, Lucía Aldao, Marga do Val, Anton Lopo e Gonzalo Hermo, presidido pola vicepresidenta e responsábel da Área de Cultura da Deputación da Coruña, Goretti Sanmartín coa xefa de servizo, Mercedes Fernández-Albalat, como secretaria, decidiu, por maioría, escoller o libro "Entullo", de Lorena Conde Martínez, presentada co lema K.Blum, como gañador do XVIII Premio González Garcés de Poesía da Deputación da Coruña.

Continuar leyendo
0
737

Bala, da Coruña, e MJPérez de Arzúa gañan o primeiro e o segundo premio

As novas mulleres do rock impóñense no VIII Concurso Musical da Deputación da Coruña. O xurado decidiu que o primeiro premio fose para a banda Bala, da Coruña, e o segundo para MJPérez, de Arzúa.
Por volta de media noite e despois dunha longa deliberación, o xurado do VIII Concurso Musical da Deputación da Coruña, inclinouse polo dúo Bala, da Coruña, como gañador. A banda de Ánxela e Violeta facíase co primeiro posto do concurso logo dun concerto colectivo que se celebrou na sala O Túnel, do Coliseo da Coruña, no que participaron os cinco grupos finalistas ademais de Ataque Escampe e The Loco como convidados.

Continuar leyendo
0
857

Promoción da literatura, visibilización de autores e autoras, celebracións anuais ou recompilación da tradición literaria oral son algunhas das actividades da Asociación de Escritores e Escritoras en Lingua Galega (AELG) ás que a área de Cultura da Deputación da Coruña contribúe con 30.000 €.

A vicepresidenta e responsábel da área de Cultura da Deputación da Coruña, Goretti Sanmartín e o presidente da Asociación de Escritores e Escritoras en Lingua Galega (AELG), Cesáreo Sánchez Iglesias, asinaron o acordo de colaboración para o desenvolvemento do programa de actividade da entidade, centrado na promoción da literatura galega.

Continuar leyendo
0
1119

Os días 9, 10 e 11 a diversidade cultural e lingüística estará de festa en Rianxo. Despois de recalar en Escocia, Gales, Frisia, Irlanda e Cornualles o Festival Tosta chega a Galiza cun amplo programa de concertos e actividades dentro do programa Donostia Capital Europea da Cultura 2016.

Guadi Galego, De Vacas, Xurxo Souto, Quico Cadaval, Fran Amil e a Tribo Incomprensíbel, Magín Blanco ou os vascos Oreka TX son algunhas das propostas do programa do Festival Tosta que se celebrará os días 9, 10 e 11 de setembro en Rianxo nun encontro cultural que conta coa Mesa pola Normalización Lingüística e a área de Cultura da Deputación da Coruña como entidades galegas promotoras. Ademais, o programa incluirá a participación da Banda Tosta que está formada por integrantes de todas as culturas participantes entre as que se atopa a galega Mónica de Nut. Completa o programa a presentación dos traballos creativos resultado dos intercambios culturais da artista galesa Luned Rhys na súa residencia artística en Galiza e da galega Belén Tajes na súa estadía en Irlanda.

Continuar leyendo
0
1084

A banda Colaxe, de Laxe, gañadora da primeira edición do certame Quero Cantar organizado pola área de Cultura da Deputación da Coruña

"A iniciativa naceu para que nenas e nenos se botaran a cantar en galego e acompañar o extraordinario momento da música infantil na nosa lingua", dixo a vicepresidenta e responsábel da área de Cultura, Goretti Sanmartín na gala final que se desenvolveu este martes no Teatro Colón da Coruña.

Leila Santos, Colaxe, Xente Miúda de San Orente, o Colexio Manuela Rial Mouzo e a Banda Batuke, do colexio das xesuitinas da Coruña, foron as cinco bandas protagonistas este martes día 28 da final da primeira edición de Quero Cantar, o concurso de música infantil que convoca a área de Cultura da Deputación da Coruña. Os grupos chegaron a esta cita logo de superaren dúas fases onde deberon someterse ás valoracións dun xurado de artistas profesionais e tamén ao gusto do gran público a través dunha votación nas redes sociais.

Continuar leyendo
0
1661

Co obxecto do Centenario das Irmandades da Fala, un autobús cunha exposición, un aplicativo móbil para Iphone e Android, e unha páxina Web, fará un percorrido pola nosa xeografía

Asi mesmo, unha canción interpretada por un amplo grupo da nova creación galega -Poetarras, De vacas, Sés, Isabel Risco, Leo, David Amor, entre outros e outras- son as ferramentas das que Ora Galega e a área de Cultura da Deputación da Coruña botan man para difundir o legado das Irmandades da Fala no seu centenario.

A vicepresidenta e responsábel da área de Cultura da Deputación, Goretti Sanmartín, e Elvira Souto, Carlos Quiroga e Moncho do Orzán por Ora Galega presentaron este venres o proxecto iFala na Dársena da Coruña, primeira parada da rota que emprende esta iniciativa itinerante que percorrerá cidades e vilas do país espallando a "dimensión e a modernidade" das Irmandades da Fala.

Continuar leyendo
0
961

A vicepresidenta e responsábel da área de Cultura da Deputación da Coruña, Goretti Sanmartín, visitou a sede de Cántigas da Terra e destacou o importante papel de promoción cultural desenvolvido nos seus cen anos de historia.

Na súa visita á sede de Cántigas da Terra, a responsábel da área de Cultura da Deputación, Goretti Sanmartín, comprometeuse a apoiar a celebración do centenario de Cántigas da Terra, coro fundado na Coruña en 1916, o mesmo ano do nacemento na cidade das Irmandades da Fala con que mantiña estreitas relacións.

O presidente de Cántigas da Terra, Hugo López e o arquiveiro, Moncho do Orzán, recibiron a Goretti Sanmartín e, en especial, abriron o arquivo histórico da entidade, que atesoura importantísima documentación da traxectoria do coro e, en xeral, da historia musical e cultural galega.

Continuar leyendo
0
1618

O vindeiro 2 de maio bota a correr a iniciativa que move máis rapaces e rapazas a favor da lingua. Co lema "O galego está en nós" as carreiras atravesarán vilas e cidades do país, entre elas, A Coruña, Ferrol e Santiago de Compostela.

A xa tradicional carreira de promoción da lingua inicia unha nova edición cun cartaz no que diversas persoas, entre elas varias caras coñecidas como o actor Federico Pérez, a escritora Ledicia Costas, a música Sés ou o gardameta Sergio Álvarez apoian unha nova campaña que ten como obxectivo incidir na xente máis nova para promocionar o uso do galego, finalidade que conta co apoio da área de Cultura da Deputación da Coruña, da que é responsábel a vicepresidenta Goretti Sanmartín.

Continuar leyendo
0
960

Goretti Sanmartín destaca a relación da cultura galega e irlandesa na visita do embaixador David Cooney.

A vicepresidenta da Deputación e responsábel da área de Cultura, Goretti Sanmartín destacou as múltiples ligazóns entre Galiza e Irlanda a recepción o embaixador David Cooney na súa visita á Coruña con motivo da conmemoración do centenario do Levantamento de Pascua.

Continuar leyendo
0