Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form

Inauguración do IX Ciclo de mesas redondas “Escritoræs na Universidade” co lema «Teoría de contrarios»

by in Noticias
  • Font size: Larger Smaller
  • Hits: 2072
  • 0 Comments
  • Subscribe to this entry
  • Print
2072

O ciclo “Escritores/as na Universidade” chega á súa undécima edición.

Organizado pola Asociación de Escritoras e Escritores en Lingua Galega (AELG) en colaboración coa Secretaría xeral de Política Lingüística e a Facultade de Filoloxía e Tradución da Universidade de Vigo, o ciclo propón para este outono unha serie de mesas redondas que achegan ao alumnado universitario, e á sociedade en xeral, a oportunidade de escoitar e interactuar cos autores/as analizando a súa obra persoal, cada ano desde un prisma diferente que vén dado polo lema do ciclo, que nesta edición é “Teoría de contrarios”.

O ciclo estrutúrase en tres mesas redondas correspondentes a cadanseu xénero literario. A primeira, “Literatura e/ou mercado?”, sobre narrativa, o vindeiro luns, 26 de setembro, ás 12.15, no Salón de Actos da Facultade de Filoloxía e Tradución da Universidade de Vigo, inaugura o ciclo coa presenza dos narradores  Susana Sánchez Arins e Xesús Constela, que abordaran unha reflexión sobre o concepto de gran público no sistema literario galego.

A seguinte, que terá lugar o 5 de outubro no mesmo lugar mais neste caso ás 10.00, abordará a cuestión desde o xénero poético coa participación de Iolanda Zúñiga e Silvia Penas, que falarán dos límites difusos entre a poesía e a performance nunha mesa titulada “Poesía ou performance?”.

Rematará o 19 de outubro, ás 10.00 e tamén no salón de actos da Facultade de Filoloxía e Tradución, coas reflexións sobre a vixencia do drama e do postdrama no relato teatral contemporáneo de AveLina Pérez e Manuel Lourenzo baixo  o título “Drama ou postdrama?”.

Despois de cada mesa redonda hai un coloquio aberto para dar oportunidade ao alumnado de formular as súas preguntas.

Entrada libre

As mesas serán retransmitidas en directo no servidor de streaming da Universidade de Vigo.

Máis información aquí. O telf de contacto de Rexina Vega, coordinadora do Ciclo, é o 605 569 370.

0

Comments

  • No comments made yet. Be the first to submit a comment

Leave your comment

Guest Tuesday, 16 July 2019