Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
2058

Milleiros de persoas, procedentes de toda Galiza, participarán nos concertos do 24 e 25 de xullo no campus sur de Santiago de Compostela.

No Festigal 2016 tocarán Kepa Junkera & Sorginak, Poetarras, Arrhythmia, Biribirlocke, Falua, Fran Amil e a Tribo Incomprensíbel, AldaoLado e Fanfarria Taquikardia. Ademais, nesta XV edición, abrirá Esposa, a banda gañadora do concurso Novos Valores, haberá un espectáculo de maxia con Martín Camiña e a charanga Os Campantes da Baña amenizará a festa.

O evento será o 24 e 25 de xullo, no campus sur de Santiago de Compostela e está organizado por Galiza Nova e pola Fundación Galiza Sempre. “O Festigal é un grande espazo reivindicativo e festivo arredor do Día da Patria Galega que une música, letras, ideas e debates; un escaparate da cultura do país que serviu durante estes anos para o lanzamento de grupos de artistas agora consolidados”, explicou Alberte Mera, secretario xeral de Galiza Nova. “O reto deste ano do Festigal é incrementar as 20.000 persoas que asistiron na edición pasada”, engadiu.

Continuar leyendo
0
1819

Ademais das fotografías e documentos reproducidos, a exposición xunta unhas 130 pezas relacionadas coas Irmandades da Fala. Documentos orixinais e primeiras edicións prestadas para a ocasión por máis dunha trintena de institucións e coleccións particulares

O 18 de maio de 1916 nacía na Coruña, nunha xuntanza celebrada na daquela sede da Real Academia Galega, na rúa Rego de Auga, a primeira das Irmandades da Fala. Nas semanas seguintes, este movemento concibido polos irmáns Vilar Ponte coa arela de estender o uso do galego a todos os contextos orais e escritos espallouse rapidamente por Galicia. As Irmandades promoverían ademais un novo rexurdimento cultural e tamén unha nova etapa do galeguismo político. Un século despois, a Real Academia Galega, a Deputación da Coruña e o Museo do Pobo Galego difundirán o legado dos homes e mulleres que fixeron posible este fito que marcou un antes e un despois na historia de Galicia. Será a través da exposición Saúde e Terra, irmá(n)s!, que se inaugurou esta mañá na Fundación Barrié da Coruña, e que, como aconteceu coas Irmandades, se expandirá desde a cidade fundacional por Galicia.

Continuar leyendo
0
1694

Alumnos e alumnas dos conservatorios galegos de música profesional e de tres centros de música do Morrazo participan neste proxecto educativo e cultural.

As cancións dos xograres e trobadores medievais son as protagonistas da cuarta edición de No bico un cantar, un programa didáctico e cultural que ten como eixos a música, a poesía e a mocidade. A cita xuntará mañá venres en Cangas, ás 17:30 horas,  un gran coro formado por 500 nenos e nenas chegados dos conservatorios de música profesional de Galicia e de tres centros de música do Morrazo para cantarlle ao mar de Vigo. 

Continuar leyendo
0
1867

A Área de Cultura da Deputacion de Lugo xunto coa Tradescola organizaron este concerto–homenaxe “Sons de maio…para Manuel María” encheu de música e baile tradicional a praza lucense.

Tan só dous días despois de celebrarse o Día das Letras Galegas, a lucense Praza de San Marcos encheuse de público para homenaxear ao poeta chairego no que é o Ano Manuel María. O Delegado de Cultura, Xosé Ferreiro, asistiu a este evento no que destacou o potencial da Tradescola como "xeradora de cultura desde a base" e destacou os eu papel como "salvagarda da nosa cultura e da nosa tradición.

Continuar leyendo
0
2516

Co obxecto do Centenario das Irmandades da Fala, un autobús cunha exposición, un aplicativo móbil para Iphone e Android, e unha páxina Web, fará un percorrido pola nosa xeografía

Asi mesmo, unha canción interpretada por un amplo grupo da nova creación galega -Poetarras, De vacas, Sés, Isabel Risco, Leo, David Amor, entre outros e outras- son as ferramentas das que Ora Galega e a área de Cultura da Deputación da Coruña botan man para difundir o legado das Irmandades da Fala no seu centenario.

A vicepresidenta e responsábel da área de Cultura da Deputación, Goretti Sanmartín, e Elvira Souto, Carlos Quiroga e Moncho do Orzán por Ora Galega presentaron este venres o proxecto iFala na Dársena da Coruña, primeira parada da rota que emprende esta iniciativa itinerante que percorrerá cidades e vilas do país espallando a "dimensión e a modernidade" das Irmandades da Fala.

Continuar leyendo
0
2214

Asociación de Escritoras e Escritores en Lingua Galega, a Federación de Librarías de Galicia e a Asociación Galega de Editores celebraron o sábado 14 de maio a I Gala do Libro Galego.

A I Gala do Libro Galego, tivo lugar no Teatro Principal do Concello de Santiago de Compostela. Con esta convocatoria preténdese recoñecer a excelencia do traballo literario realizado no ámbito editorial ao longo do ano 2015 en Galicia. Estas distincións, sen dotación económica, foron determinadas por un xurado externo sobre unha listaxe de obras finalistas conformada polas bases asociativas da Asociación de Escritores e Escritoras en Lingua Galega (AELG), da Asociación Galega de Editoras e da Federación de Librarías de Galicia.

Continuar leyendo
0
Etiquetado en: AELG Gala Premios
4916

Entrevistamos a Guadi Galego, unha das nosas grandes referentes musicais dende hai xa uns anos e que ven de ser galardoada co Premio Martin Codax da música.

Guadi Galego, natural de Cedeira, A Coruña, comeza a súa andaina musical sendo moi nova, estudando música no conservatorio da Coruña e música tradicional en distintos grupos da zona. No ano 1997 entra a formar parte do grupo Berrogüetto, no cal estivo dez anos exercendo como cantante e gaiteira.

Con esta banda acadou un grande recoñecemento internacional e gravou tres discos: Viaxe por Urticaria (1999) e máis Hepta (2001), ámbolos dous calorosamente recibidos pola crítica e obxecto de varios premios e recoñecementos, entre eles, o de Mellor Grupo Folk Europeo do ano 2000 e unha candidatura aos Grammy Latinos na súa edición de 2002.

Continuar leyendo
0
1765

Xa está en marcha a II edición do concurso “Novos Valores Festigal 2016” para dar a coñecer artistas emerxentes galeg@s e en galego! Queremos seguir abrindo as portas á creatividade de bandas e artistas emerxentes da Galiza e en galego, Participa.

A banda ou artista escollida polo xurado abrirá o 24 de xullo pola noite o Festigal 2016 ademais de recibir unha achega económica de 300 euros. O certame está aberto á participación de grupos amadores e profesionais, de todos os estilos, que empreguen a lingua galega nas súas letras. O prazo de presentación de traballos é até o 26 de maio, por medio dunha maqueta

Continuar leyendo
0
1712

Toño Casais, Dani Trillo, María Ordóñez e Artur Trillo interpretan a historia do famoso maquis galego, que poderá verse na sede do Centro Dramático Galego do xoves 12 ao domingo 15.

A compañía Talía Teatro chega esta semana ao Salón Teatro co seu último espectáculo, ‘Foucellas’, que poderá verse en Santiago do xoves 12 ao domingo 15. Como actividade complementaria a estas representacións, a sede do Centro Dramático Galego (CDG) acollerá mañá martes, ás 20.30 h, un coloquio arredor do famoso maquis galego.

Foucellas, do mito á ficción’ é o título desta mesa redonda, na que participarán Cándido Pazó, autor e director da montaxe de Talía; Inma López Silva, escritora e crítica teatral; e Luis Lamela, historiador e autor do libro ‘Foucellas. El riguroso relato de la lucha antifranquista (1936-1952)’, publicado en 1992 por Edicións do Castro.

Continuar leyendo
0
Etiquetado en: Coloquio Compostela Foucellas
1755

A vicepresidenta e responsábel da área de Cultura da Deputación da Coruña, Goretti Sanmartín, visitou a sede de Cántigas da Terra e destacou o importante papel de promoción cultural desenvolvido nos seus cen anos de historia.

Na súa visita á sede de Cántigas da Terra, a responsábel da área de Cultura da Deputación, Goretti Sanmartín, comprometeuse a apoiar a celebración do centenario de Cántigas da Terra, coro fundado na Coruña en 1916, o mesmo ano do nacemento na cidade das Irmandades da Fala con que mantiña estreitas relacións.

O presidente de Cántigas da Terra, Hugo López e o arquiveiro, Moncho do Orzán, recibiron a Goretti Sanmartín e, en especial, abriron o arquivo histórico da entidade, que atesoura importantísima documentación da traxectoria do coro e, en xeral, da historia musical e cultural galega.

Continuar leyendo
0