Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta

Inaugúrase o Museo Man de Camelle

por en Noticias
  • Tamaño de fuente: Mayor Menor
  • Visitas: 2431
  • 0 Comentarios
  • Suscribirse a las actualizaciones
  • Imprimir
2431

O vindeiro 5 de xuño de 2015 as 19:00 horas terá lugar a inauguración da exposición permanente “Museo Man de Camelle”, na Casa do Alemán (rúa do Muelle no 9, Camelle, Camariñas). Esta exposición é a culminación do proxecto financiado polo GAC 3 Costa da Morte e o Concello de Camariñas , “MAN: mar, Arte e Natureza”, centrado na posta en valor do porto pesqueiro de Camelle e na recuperación do legado artístico de Manfred Gnädinger, co fin derradeiro de fomentar o turismo na comunidade costeira local.

Manfred Gnädinger era un home en comuñón coa súa contorna na que non só ideou e creou un xardín - museo mariño de esculturas, senón que converteu Camelle (Camariñas) no seu fogar e nun referente do movemento artístico ‘Arte e Natureza’. A musealización do seu legado na ‘Casa do Alemán’, previo rexistro e catalogación en base de datos en liña, presenta un espazo que permite ao visitante mergullarse na especial visión de Man do mundo. Partindo dunha das súas obras fotográficas denominada “Museum vom Einsiedler Man. Camelle (La Coruña).Spanien” (Museo do ermitán Man. Camelle (A Coruña). España), creouse un espazo expositivo no que mostrar as creacións feitas por Man e que configuraban o seu propio proxecto museístico.

A exposición, comisariada pola doutora en BB.AA Carmen Hermo, estrutúrase en varios bloques nos que se vai explicando a vinculación de Man co mar, mostrando as pezas que facía coas crebas; os seus apeiros do artista, ferramentas e instrumentos artísticos que son parte fundamental para a comprensión da súa obra vital; a súa biblioteca, onde conviven libros de arte, filosofía e dicionarios intervidos polo artista con recortes, textos, debuxos e buratos para achegalos ao seu propio imaxinarium; ou as súas libretiñas, cadernos cos que se dá mostra da importancia que lle daba a interacción cos visitantes. Asociada á mostra, elaboráronse unha serie de materiais didácticos para complementar a visitar ao centro, axeitados aos diferentes niveis de ensinanza, así como para profesionais do sector artístico e turístico.

A exposición complétase cunha simulación dixital en 3D que permite o visionado do estado orixinal dalgunhas das pezas que compoñían o seu xardín-museo, recreando a evolución do seu legado. Ademais, o visitante pode beneficiarse do acceso mellorado á zona portuaria e ao espigón a partir da sinalética, un sistema de sinalización permanente disposto estratexicamente polo lugar, deseñado e fabricado segundo a imaxe corporativa do proxecto. Serve coma motivo promocional así coma contedor de información detallada das coordenadas de localización de pezas e os códigos QR.
A exposición permanecerá aberta en horario de verán de martes a domingo de 11.00 a 13:00 e de 16:00 a 19.00 horas. Para reserva previa de visitas guiadas para grupos o número de teléfono é o 981 710 224

Fonte: http://www.camarinas.eu

0
Etiquetado en: Camelle Inauguración MAn Museo

Comentarios

  • No hay comentarios por el momento. Se el primero en enviar un comentario.

Deja tu comentario

Invitado Miércoles, 18 Julio 2018