Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
4037

Foi galardoado pola súa obra Se pedra na brétema

Ramón Blanco recibiu esta tarde o XXIX Premio do Poesía Eusebio Lorenzo Baleirón, co que foi galardoado pola súa obra ‘Se pedra na brétema’. No acto de entrega, que tivo lugar no centro educativo que leva o nome de Lorenzo Bailerón, no municipio de Dodro, o secretario xeral de Cultura, salientou a contribución dos certames poéticos á produción literaria galega, ao tempo que puxo en valor o Premio Eusebio Lorenzo Baleirón pola súa dilatada e consolidada traxectoria, con preto de trinta edicións.

Continuar leyendo
0
3368

A novela "Luns", da escritora Eli Ríos, resultou gañadora do primeiro Premio Torrente Ballester convocado só para obras en galego. A gañadora recibirá 25.000€, a maior contía dos certames convocados na literatura galega.

O xurado, composto por Ramón Nicolás Rodríguez, Mercedes Queixas Zas, Eva Moreda, Ledicia Costas e Mario Regueira con Mercedes Fernández-Albalat de secretaria e Goretti Sanmartín de presidenta decidiu conceder, por maioría, o Premio Torrente Ballester para novelas en galego á obra Luns, de Eli Ríos.

Continuar leyendo
0
3250

Visitamos o CULTURGAL - CULTURA GALEGA EN COMUNIDADE, que tivo lugar do 2 ao 4 de Decembro en Pontevedra.

 

Esta fin de semana ven de se celebrar a IX edición do Culturgal, Feira das Industrias Culturais, baixo o lema “Cultura, comunidade e futuro”. Máis de 80 entidades expositoras e máis de 120 empresas déronse cita como cada ano no Pazo da Cultura de Pontevedra representando aos diversos e prolíficos sectores da cultura galega.

Continuar leyendo
0
2895

ENTRAR AOS VILARES, o documentario comunal, dirixido por Cibrán Tenreiro, foi presentado o 2 de Decembro na Coruña no local de Maquinaria Pesada.

Tres rapaces da primeira xeneración non nacida na.aldea, reciben o encargo de facer un documental sobre a parroquia de nacemento de Díaz Castro, Os Vilares, sen ter coñecemento da mesma. Entrar aos Vilares e ir descubrindo a parroquia a través de veciños, que se convirten en protagonistas e narradores do audiovisual e as reflexións da man dos rapaces, plantexan un documento novidoso, tanto por non ter guión pre establecido como por fuxir de técnicas ao uso na gravación, sendo esta informal, viva e divertida.

Continuar leyendo
0
5815

A actriz, dramaturga, directora, escenógrafa e atrezzista, Lorena Conde é a gañadora do XVIII Premio González Garcés de Poesía da Deputación da Coruña co seu libro "Entullo".

A obra de Lorena Conde impúxose na decisión do xurado entre os 85 libros presentados, unha cantidade sensibelmente superior á anterior edición.

Un xurado composto por Pilar Pallarés, Lucía Aldao, Marga do Val, Anton Lopo e Gonzalo Hermo, presidido pola vicepresidenta e responsábel da Área de Cultura da Deputación da Coruña, Goretti Sanmartín coa xefa de servizo, Mercedes Fernández-Albalat, como secretaria, decidiu, por maioría, escoller o libro "Entullo", de Lorena Conde Martínez, presentada co lema K.Blum, como gañador do XVIII Premio González Garcés de Poesía da Deputación da Coruña.

Continuar leyendo
0
608

O filme mestura ficción e realidade para retratar a Costa da Morte, a súa paisaxe e as súas xentes, a partir da historia que protagonizan Monti Castiñeiras e Marta Lado.

A longametraxe galega ‘Sicixia’, do realizador Ignacio Vilar, inicia  o seu percorrido polo circuíto comercial coa súa estrea en 31 salas de 19 localidades galegas e cinco de España (Madrid, San Feliu de Llobregat, Tarragona, Valencia e Xixón). A producción da película de corre a cargo de Vía Láctea Filmes

A película presentouse en Carballo. coa participación de Evencio Ferreiro, alcalde de Carballo; José Manuel López Varela, alcalde da Laracha, o director da Agadic, Jacobo Sutil
e unha representación do equipo de ‘Sicixia’ encabezada polo seu director, Ignacio Vilar, e o actor Monti Castiñeiras.

Continuar leyendo
0
3125

Xosé Lois Romero Cajigal, nado en 1970, natural de Mera, Oleiros, é un músico e compositor galego. Formado desde neno na música popular galega, exerceu de percusionista en numerosas formacións tradicionais entre as que destacan os cuartetos Lelia Doura e Luvas Verdes. Desde 1995 é membro do Grupo Tradicional da AGADIC, dependente da Xunta de Galicia, onde realiza traballos de interpretación, investigación, docencia e publicación de material audiovisual sobre patrimonio musical galego.

Continuar leyendo
0
689

Presentouse en Pontevedra a edición que terá lugar do 2 ao 4 de decembro no Pazo da Cultura para dar conta tanto das manifestacións artísticas que conforman o panorama cultural galego como dos novos xeitos de traballar neste ámbito

A organización de Culturgal, a Feira das Industrias Culturais, fixo pública hoxe a programación da súa novena edición, que terá lugar no Pazo de Cultura de Pontevedra os días 2, 3 e 4 de decembro. Serán máis de 120 actividades, tanto profesionais como para o público xeral, a través das que se buscará dar conta do dinamismo deste sector en Galicia, así como dos novos xeitos de traballo en comunidade en diferentes ámbitos artísticos.

Continuar leyendo
0
Etiquetado en: Culturgal Programación 2016
775

Xunto con pezas que constitúen un manifesto visual irrepetible, proxectarase unha escolma de filmes realizados en Cuba por cineastas estranxeiros durante este período

O Centro Galego de Artes da Imaxe (CGAI-Filmoteca de Galicia) inicia o ciclo ‘Por un cine imposible. Documental e vangarda en Cuba (1959-1972)’, que centrará as proxeccións que se desenvolverán na súa sede da Coruña os martes e mércores ata o 14 de decembro. Programado en colaboración co Museo Nacional Centro de Arte Reina Sofía, así como coa Cinemateca de Cuba, este especial reúne 38 títulos a través dos que se afondará no movemento documental cubano arredor da Revolución, que deu pé a un manifesto visual irrepetible.

Continuar leyendo
0
747

Bala, da Coruña, e MJPérez de Arzúa gañan o primeiro e o segundo premio

As novas mulleres do rock impóñense no VIII Concurso Musical da Deputación da Coruña. O xurado decidiu que o primeiro premio fose para a banda Bala, da Coruña, e o segundo para MJPérez, de Arzúa.
Por volta de media noite e despois dunha longa deliberación, o xurado do VIII Concurso Musical da Deputación da Coruña, inclinouse polo dúo Bala, da Coruña, como gañador. A banda de Ánxela e Violeta facíase co primeiro posto do concurso logo dun concerto colectivo que se celebrou na sala O Túnel, do Coliseo da Coruña, no que participaron os cinco grupos finalistas ademais de Ataque Escampe e The Loco como convidados.

Continuar leyendo
0