Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form

O Centro Galego de Artes da Imaxe afonda na obra de Jean Renoir coa proxección de dez dos seus filmes máis emblemáticos

by in Noticias
  • Font size: Larger Smaller
  • Hits: 1632
  • 0 Comments
  • Subscribe to this entry
  • Print
1632

O especial sobre o gran cineasta francés, que dá comezo hoxe con ‘Boudu salvado de las aguas’, comprende varias copias novas tanto en DCP como en 35 mm.

O Centro Galego de Artes da Imaxe (CGAI-Filmoteca de Galicia) da Consellería de Cultura, Educación e Ordenación Universitaria programa desde hoxe e ata o vindeiro 8 de abril a primeira parte dun ciclo dedicado a Jean Renoir, durante o que proxectará na súa sede da Coruña dez destacadas obras desta figura clave na historia do cinema francés e universal.

O especial, que se estenderá á carteleira de maio-xuño con outros cinco títulos, arranca esta mesma tarde cunha sesión dobre –ás 18.00 e ás 20.30 horas– de ‘Boudu salvado de las aguas’, filme de 1932 sobre o intento de civilización dun vagabundo por parte dun librepensador insatisfeito coa súa vida matrimonial.
 
Obras mestras
A carteleira inclúe tamén varias das obras consideradas como imprescindibles na filmografía do director francés. É o caso de ‘Un día en el campo’, homenaxe do realizador ao seu pai, o pintor impresionista Pierre-Auguste Renoir, que poderá verse no CGAI mañá xoves xunto á satírica ‘El crimen de Monsier Lange’. Así mesmo, o mércores 30 de marzo programarase ‘La regla del juego’, definida por moitos especialistas como a gran obra mestra do director, na que critica as máscaras sociais, a hipocrisía e a falta de ética.
 
Esta primeira entrega da homenaxe do Centro Galego de Artes da Imaxe a Jean Renoir complétase con outros seis títulos: ‘La gran ilusión’ (18 de marzo), ‘La bestia humana’ (22 de marzo), ‘La marsellesa’ (23 de marzo), ‘Aguas pantanosas’ (6 de abril), ‘Esta tierra es mía’ (7 de abril) e ‘Memorias dunha doncella’ (8 de abril). Todas elas exhibiranse en sesión dobre, ás 18.00 e 20.30 horas
 
O ciclo, que comprende varias copias novas en DCP e en 33 mm, dálle continuidade á ampla retrospectiva que a Filmoteca de Galicia lle dedicara ao cineasta francés hai preto de dúas décadas en colaboración coa revista ‘Nosferatu’.

-CGAI

0
Tagged in: CGAI Ciclo Jean Renoir

Comments

  • No comments made yet. Be the first to submit a comment

Leave your comment

Guest Tuesday, 16 July 2019