Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form

A AGADIC SUBVENCIONA 435 ACTUACIÓNS ESCÉNICAS E MUSICAIS E 35 ACCIÓNS DE PROMOCIÓN

by in Noticias
  • Font size: Larger Smaller
  • Hits: 2682
  • 0 Comments
  • Subscribe to this entry
  • Print
2682

A Axencia da Consellería de Cultura e Educación completou a adxudicación de máis de 350.000 euros a 53 empresas dos diferentes ámbitos das industrias culturais

A Axencia Galega das Industrias Culturais (Agadic) da Consellería de Cultura, Educación e Ordenación Universitaria acaba de completar a adxudicación dun total de 350.742 euros a 53 empresas culturais galegas no marco da convocatoria de subvencións á distribución para as industrias culturais correspondente a 2015. A través desta contía, contribúese á realización dun total de 435 actuacións de teatro, danza, novo circo e música dentro e fóra de Galicia, así como á promoción exterior dos produtos culturais galegos mediante 35 accións desenvolvidas en mercados e feiras internacionais.

Ao tempo que se publicou no web da Agadic a cuarta e última quenda de adxudicacións ao abeiro destas axudas, anunciouse a través do Diario Oficial de Galicia o esgotamento do orzamento destinado a esta convocatoria. Deste xeito, tal e como establecen as bases, quedou pechado o prazo de solicitude das subvencións á distribución, de concesión automática e por orde cronolóxica para todas as propostas presentadas neste período que reuniron os requisitos esixidos.

Internacionalización do teatro, a danza e o novo circo

Do total adxudicado, máis dun 54% (192.067 euros) destínase especificamente a apoiar a internacionalización da escena e da música de Galicia a través do cofinanciamento de 329 actuacións realizadas en escenarios de fóra da nosa Comunidade, incluíndo as programadas en diferentes mostras e festivais de todo o mundo. Así, no apartado escénico atopamos destacadas mostras e xiras internacionais, como as que levaron a El Retrete de Dorian Gray a Taiwán, Inversa Teatro a Portugal, La Macana a Ecuador, Matarile Teatro a Brasil, Neodans a Costa Rica, Ningures Producións a Portugal, Pistacatro Produtora de Soños a México e Estados Unidos, Tanxarina Títeres a Grecia, Marrocos e Portugal, Teatro Ensalle a México ou Títeres Cachirulo a Arxentina, entre outras.
Tamén se inclúen nestas modalidades 1 e 2 as actuacións e xiras a nivel estatal desenvolvidas por Baobab Teatro, Borja Fernández, Diego Anido, El Retrete de Dorian Gray, Eme2 Producións, Galitoon, Ibuprofeno Teatro, Inversa Teatro, ilMaquinario Teatro, La Macana, Matarile Teatro, Polo Correo do Vento, Producións Teatráis Excéntricas, Sarabela Teatro, Tanxarina Títeres, Teatro del Andamio, Teatro do Noroeste, Teatro Ensalle, Títeres Cachirulo ou Voadora.

Seguindo no ámbito escénico, a Agadic cofinanciou tamén a realización de 106 funcións dentro de Galicia como parte da modalidade 4 destas subvencións, á que este ano destinou un total de 103.051 euros.

Concertos e mercados internacionais

En canto á música, apoiáronse exclusivamente concertos fóra de Galicia, entre os que atopamos nomes como Budiño, Carlos Núñez, Leilía, Luar na Lubre, Radio Cos, Rosa Cedrón, Sumrrá e Xoán Curiel.

Por último, a Axencia Galega das Industrias Culturais achega un total de 55.624 euros a promover a cultura galega no exterior mediante a presenza das nosas empresas en destacadas feiras e mercados de diferentes ámbitos, como o da arte contemporánea (Este Arte, Art e Parc Lima, Arco, Arteba, London Art Show), audiovisual (Natpe Miami e Series Manía), editorial (Comicon Portugal, Expo Cómic Madrid e Feira de Guadalaxara en México), escena (Fism Italia, Fetén de Xixón, Dferia de Donosti, Mercartes, MADferia) ou música (South By Southwest), ademais doutros que abranguen as industrias culturais en xeral (Zincshower Madrid, Circulart, MICA Produce, Pública Madrid).

0

Comments

  • No comments made yet. Be the first to submit a comment

Leave your comment

Guest Thursday, 29 October 2020