Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
1097

A banda Colaxe, de Laxe, gañadora da primeira edición do certame Quero Cantar organizado pola área de Cultura da Deputación da Coruña

"A iniciativa naceu para que nenas e nenos se botaran a cantar en galego e acompañar o extraordinario momento da música infantil na nosa lingua", dixo a vicepresidenta e responsábel da área de Cultura, Goretti Sanmartín na gala final que se desenvolveu este martes no Teatro Colón da Coruña.

Leila Santos, Colaxe, Xente Miúda de San Orente, o Colexio Manuela Rial Mouzo e a Banda Batuke, do colexio das xesuitinas da Coruña, foron as cinco bandas protagonistas este martes día 28 da final da primeira edición de Quero Cantar, o concurso de música infantil que convoca a área de Cultura da Deputación da Coruña. Os grupos chegaron a esta cita logo de superaren dúas fases onde deberon someterse ás valoracións dun xurado de artistas profesionais e tamén ao gusto do gran público a través dunha votación nas redes sociais.

Continuar leyendo
0
1289

O grupo romanés Fanfare Ciocarlia, o austríaco Russkaja, o valenciano La Raíz, o italiano Talco, o brasileiro Gabriel O Pensador ou os galegos O Sonoro Maxín, Familia Caamagno e Malandrómeda figuran nun cartel internacional de máis de 30 concertos

A organización do festival Revenidas de Vilaxoán, no concello de Vilagarcía de Arousa, presentou hoxe a programación da súa décimo terceira edición, que se desenvolverá do 19 ao 21 de agosto. O encontro reforza a súa aposta pola mestizaxe a través dunha oferta internacional de máis de 30 concertos e 35 actividades culturais e recreativas para todos os públicos.

Continuar leyendo
0
1219

Espectáculo de dous grandes da retranca galega, o debuxante Luis Davila e o actor e humorista Carlos Blanco.

Cheo absoluto na primeira representación na Coruña do espectáculo máis retranqueiro que podemos atopar estes días polo país adiante.
O bo humor e as gargalladas están garantidas xa que o binomio que forman estes dous grandes artistas galegos, Carlos Blanco e Luis Davila é moi difícil de superar en termos de calidade e de cantidade.

Continuar leyendo
0
968

Presentarán ‘Unha hora menos’, de Xacobe Sineiro; ‘Esquece Monelos’, de Ángeles Huerta; ‘Versogramas’, de Juan Lesta; ‘On the Edge of the Mind’, de Alfonso de la Puente; ‘We the Media’, de Héctor Carré; e ‘O legado das rías galegas’, de Jorge J. Candán

A marca ‘Films from Galicia’ estará presente por vez primeira no festival francés Sunny Side of the DOC, en La Rochelle, para promover os documentais das seis empresas que integran a misión comercial galega neste mercado especializado. A Axencia Galega das Industrias Culturais (Agadic) organiza esta delegación no marco do programa de internacionalización audiovisual que mantén co apoio do Instituto Galego de Promoción Económica (Igape).

Continuar leyendo
0
948

 Tamén terá lugar o XV Festival Agustín Magán coas últimas propostas escénicas de grupos federados

A consellería de Cultura, Educación e Ordenación Universitaria reforza o seu compromiso co desenvolvemento do teatro afeccionado en Galicia ao renovar un ano máis a súa colaboración coa Federación Galega de Teatro Afeccionado (Fegatea), da que forman parte máis de 50 agrupacións.

Hoxe asinaron un novo convenio de colaboración mediante o que a Consellería contribúe, cun investimento de 30.000 euros, á realización do Circuíto Galego de Teatro Amador 2016, que desde xuño ata final de ano ofrecerá un total de 60 representacións nas catro provincias galegas. Ao acto de sinatura, que tivo lugar no Salón Teatro, sede do Centro Dramático Galego, tamén asistiron o secretario xeral de Cultura, Anxo Lorenzo, e mais a vicepresidenta e o tesoureiro da federación, María José García e Manuel Dasilva, respectivamente.

Continuar leyendo
0
1279

Milleiros de persoas, procedentes de toda Galiza, participarán nos concertos do 24 e 25 de xullo no campus sur de Santiago de Compostela.

No Festigal 2016 tocarán Kepa Junkera & Sorginak, Poetarras, Arrhythmia, Biribirlocke, Falua, Fran Amil e a Tribo Incomprensíbel, AldaoLado e Fanfarria Taquikardia. Ademais, nesta XV edición, abrirá Esposa, a banda gañadora do concurso Novos Valores, haberá un espectáculo de maxia con Martín Camiña e a charanga Os Campantes da Baña amenizará a festa.

O evento será o 24 e 25 de xullo, no campus sur de Santiago de Compostela e está organizado por Galiza Nova e pola Fundación Galiza Sempre. “O Festigal é un grande espazo reivindicativo e festivo arredor do Día da Patria Galega que une música, letras, ideas e debates; un escaparate da cultura do país que serviu durante estes anos para o lanzamento de grupos de artistas agora consolidados”, explicou Alberte Mera, secretario xeral de Galiza Nova. “O reto deste ano do Festigal é incrementar as 20.000 persoas que asistiron na edición pasada”, engadiu.

Continuar leyendo
0
1009

Ademais das fotografías e documentos reproducidos, a exposición xunta unhas 130 pezas relacionadas coas Irmandades da Fala. Documentos orixinais e primeiras edicións prestadas para a ocasión por máis dunha trintena de institucións e coleccións particulares

O 18 de maio de 1916 nacía na Coruña, nunha xuntanza celebrada na daquela sede da Real Academia Galega, na rúa Rego de Auga, a primeira das Irmandades da Fala. Nas semanas seguintes, este movemento concibido polos irmáns Vilar Ponte coa arela de estender o uso do galego a todos os contextos orais e escritos espallouse rapidamente por Galicia. As Irmandades promoverían ademais un novo rexurdimento cultural e tamén unha nova etapa do galeguismo político. Un século despois, a Real Academia Galega, a Deputación da Coruña e o Museo do Pobo Galego difundirán o legado dos homes e mulleres que fixeron posible este fito que marcou un antes e un despois na historia de Galicia. Será a través da exposición Saúde e Terra, irmá(n)s!, que se inaugurou esta mañá na Fundación Barrié da Coruña, e que, como aconteceu coas Irmandades, se expandirá desde a cidade fundacional por Galicia.

Continuar leyendo
0
1017

Alumnos e alumnas dos conservatorios galegos de música profesional e de tres centros de música do Morrazo participan neste proxecto educativo e cultural.

As cancións dos xograres e trobadores medievais son as protagonistas da cuarta edición de No bico un cantar, un programa didáctico e cultural que ten como eixos a música, a poesía e a mocidade. A cita xuntará mañá venres en Cangas, ás 17:30 horas,  un gran coro formado por 500 nenos e nenas chegados dos conservatorios de música profesional de Galicia e de tres centros de música do Morrazo para cantarlle ao mar de Vigo. 

Continuar leyendo
0
1099

A Área de Cultura da Deputacion de Lugo xunto coa Tradescola organizaron este concerto–homenaxe “Sons de maio…para Manuel María” encheu de música e baile tradicional a praza lucense.

Tan só dous días despois de celebrarse o Día das Letras Galegas, a lucense Praza de San Marcos encheuse de público para homenaxear ao poeta chairego no que é o Ano Manuel María. O Delegado de Cultura, Xosé Ferreiro, asistiu a este evento no que destacou o potencial da Tradescola como "xeradora de cultura desde a base" e destacou os eu papel como "salvagarda da nosa cultura e da nosa tradición.

Continuar leyendo
0
1682

Co obxecto do Centenario das Irmandades da Fala, un autobús cunha exposición, un aplicativo móbil para Iphone e Android, e unha páxina Web, fará un percorrido pola nosa xeografía

Asi mesmo, unha canción interpretada por un amplo grupo da nova creación galega -Poetarras, De vacas, Sés, Isabel Risco, Leo, David Amor, entre outros e outras- son as ferramentas das que Ora Galega e a área de Cultura da Deputación da Coruña botan man para difundir o legado das Irmandades da Fala no seu centenario.

A vicepresidenta e responsábel da área de Cultura da Deputación, Goretti Sanmartín, e Elvira Souto, Carlos Quiroga e Moncho do Orzán por Ora Galega presentaron este venres o proxecto iFala na Dársena da Coruña, primeira parada da rota que emprende esta iniciativa itinerante que percorrerá cidades e vilas do país espallando a "dimensión e a modernidade" das Irmandades da Fala.

Continuar leyendo
0