Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Inicio
    Inicio Aquí es donde puedes encontrar todas las publicaciones del blog.
  • Categorías
    Categorías Muestra una lista de categorías de este blog.
  • Etiquetas
    Etiquetas Muestra una lista de etiquetas que se han utilizado en el blog.
  • Bloggers
    Bloggers Busca a tu blogger preferido.
  • Blogs de Equipo
    Blogs de Equipo Busca tu equipo de blog preferido aquí.
  • Acceder
    Login Tu cuenta
1139

A Exposición que xira arredor da traxectoria desta imprescindíbel granxa agrícola, ten lugar do 7 ao 14 de novembro no Forum Metropolitano da Coruña.

Moito antes de que o cemento e a especulación urbanística se fixeran con prácticamente todo o espazo da contorna coruñesa, existiu unha singular instalación con varios edificios e un terreo que abranguía unha superficie equivalente a quince campos de fútbol no que é hoxe a principal entrada da cidade, arredor da Avenida de A Vedra, era a Granxa Agrícola de Monelos.

Continuar leyendo
0
5574

Desta volta, entrevistamos a Jasper, lider de NAO, grupo de rock feito en Galiza e en galego.

NAO, banda de rock galego formada por:

Pablo Carracedo "Jasper": Guitarra e voz, Gustavo Brea "Gus": Guitarra, Ánxelo: Baixo, Amós: Batería

Fundada no 2005, en novembro de 2007 editan o seu primeiro álbum, As palabras espidas, que incluía unha canción co poema de Rosalía de Castro "A xustiza pola man". En 2010, lanzan o segundo, Coas túas mans, que foi autoeditado.

Continuar leyendo
1466

Asistimos ao Festival Aniversario 40 Anos da Asociación Cultural Alexandre Bóveda e aquí volo contamos.

O pasado 19 de outubro, a Asociación Cultural Alexandre Bóveda celebraba os seus 40 anos de andaina de difusión do noso patrimonio cultural. Foi unha xornada de festexo onde encheron o Teatro Rosalía de Castro da Coruña, e onde poidemos desfrutar de boa música e de bo teatro todo conducido por Isabel Risco e César Cambeiro.

Continuar leyendo
0
1002

Crónica do concerto que ofreceu Carlos Nuñez e o seu grandísimo grupo na Praza da Horta do Seminario de Lugo, o 11 de Outubro, nas festas do San Froilán 2016.

Pois vinte anos agardou Lugo para poder deleitarse ao escoitar a Carlos Núñez dando vida á Muiñeira de Chantada nunha ateigada Praza da Horta do Seminario. Todo un luxo a actuación do gaiteiro de Vigo que poñía a guinda do pastel a unhas festas de San Froilán que este ano destacaron, e moito, pola promoción da cultura galega.

Foron artistas da talla de Xabier Díaz e Adufeiras de Salitre, Caxade, Familia Caamagno, A Quenlla, e os desfiles de pasarrúas os que encheron de música en galego as rúas da cidade das murallas.

Continuar leyendo
0
874

A ciencia ficción é protagonista no programa desta edición, que ofrecerá tamén unha homenaxe póstuma a Herschell Gordon Lewis, coñecido como o ‘padriño do gore’.

Un total de 26 fitas –cinco longametraxes e 21 curtas– competirán este ano polos premios das seccións Óperas Primas e Curtametraxes da oitava edición do FKM, o festival de cinema fantástico que se desenvolve durante toda esta semana na Coruña. A Consellería de Cultura e Educación volve apoiar esta mostra a través da convocatoria de subvencións a certames audiovisuais da Axencia Galega das Industrias Culturais (Agadic) e da colaboración do Centro Galego de Artes da Imaxe (CGAI-Filmoteca de Galicia) como un dos seus espazos de exhibición.

Continuar leyendo
0
750

Diversos concellos coruñeses recibirán a exposición, que ten como obxecto dar a coñecer a importancia de Exponav e recuperar a historia dos “anos dourados” dos estaleiros ferroláns

Entre 10 e 20 concellos da provincia exhibirán a mostra "Xigantes" de Exponav grazas ao apoio da Deputación da Coruña, que vén de sacar a licitación, por un importe máximo de 24.793,39 euros, os traballos de coordinación, transporte e montaxe desta exposición, dedicada aos grandes fitos da construción naval realizados na antiga Astano entre os anos 1964 e 1982.

Continuar leyendo
0
984

Asistimos á presentacion de Negruña, a última novela ata o de agora de Xosé Duncan, de Urco editora, en Maquinaria Pesada na Coruña.

 

Nun futuro utópico, esta presentación literaria tería enchido o Pazo de Congresos.

 

Nun futuro utópico, os libros en galego serían best-séllers.

 

Nun futuro utópico, as escritoras e os escritores serían máis famos@s que os futbolistas.

 

Mais, namentres agardamos que ísto aconteza, non podemos perder a oportunidade de desfrutar do futuro distópico de Negruña, novela na que Xosé Duncan reflexa como ninguén a decadencia á que unha sociedade pode chegar ou, de feito, de seguirmos así, chegará seguro.

Continuar leyendo
0
Etiquetado en: Negruña Xosé Duncan
818

A Cidade Vella compostelá e a Cidade da Cultura de Galicia acollerán entre o 19 e o 23 de outubro arredor de 300 músicos

O casco histórico de Santiago e a Cidade da Cultura de Galicia acollerán entre o 19 e o 23 de outubro a vixésima segunda edición de Womex. Arredor de 2.500 persoas de máis de 100 países, 300 músicos, entre eles os galegos Radio Cos, Xabier Díaz e Narf, se achegarán a Galicia para participar no maior evento internacional da música de raíz. Así mesmo, a feira durante o día incluirá 290 stands con máis de 700 empresas, ademais de 22 conferencias e 95 relatores de 35 países en 50 sesións, entre outras actividades.

Continuar leyendo
0
Etiquetado en: Compostela Womex
747

Trátase da segunda edición do Ciclo de Literatura Infantil e Xuvenil organizado pola Asociación de Escritores en Lingua Galega.

o Ciclo abriuse no ourensán Campus das Lagoas da Universidade de Vigo o II Ciclo de Literatura Infantil e Xuvenil organizado pola Asociación de Escritores en Lingua Galega (AELG) co apoio da Secretaría Xeral de Política Lingüística.

A literatura infantil e xuvenil preséntase como unha porta de entrada ao mundo e tamén á lingua galega. “Que o idioma lles chegue aos nenos e nenas, ademais de por outras vías, a través de historias divertidas, emocionantes, fermosas –dixo– é unha carta de presentación que aumenta o aprecio e o valor que os nenos lle dan ao galego”.

Continuar leyendo
0
923

Celebrar a XXV edición do FIOT é unha oportunidade para festexar a chegada a este fito do noso camiño, un logro importante para unha proposta cultural que naceu e medrou modestamente, pero con coherencia e persistencia, e coa ambición de ser sólida e potente.

Vinte e cinco anos abrindo o telón á ilusión, á reflexión, á sorpresa, á beleza, ao encontro, á provocación, á experiencia, á compañía, á emoción… O Outono de Teatro non é un conxunto de espectáculos programados en outubro, é unha idea compartida e viva que xa moitos, desde o público ata os artistas ou todo tipo de colaboradores, evocamos na nosa memoria como algo máis que teatro, unha illa propia que compartimos.

Continuar leyendo
0